ريفيو عن عجان هوم ١٦٠٠ وات
السلام عليكم ورحمة الله وبركاته
حبيت النهارده اشاركم تجربتي واقول علي مميزات وعيوب عجان هوم
بعد شهر بحث عن انواع العجان واسعارهم وافضلهم قررت اجيب عجان هوم لان حسيت انه من الفئه المتوسطه اللي تكفي احتياجي للعجان
يعني انا استخدامي ليه هيبقا مقتصر علي المنزل فقط ف بالنسبالي كنت عايزه حاجه متوسطه فقررت اجيبو وبعد تجربة سنه حبيت انقلكم تجربتي واقول مميزاته وعيوبه
مبدئيا انا جبتو من علي موقع سوق دوت كوم
مواصفات عجان هوم
كان سعره ٢٥٠٠ جنيه مصري
١٦٠٠ وات
سعة الحله ٦.٥ ليتر
الانطباعات الاوليه
العجان وصلي متغلف كويس جدا لما فتحتو كانت الكرتونه جوا كرتونه وعملت فيديو بوضح فيه تجربتي الاوليه لفتح الكرتونه الفيديو ف الرابط دا 👇
https://youtu.be/57wkr405gI0
وكانت انطبعاتي الاوليه ان الجهاز مصنوع من خامات متوسطة الجوده ولكن هو مناسب للإستخدام المنزلي بالنسبه لسعره
محتويات الجهاز
الجهاز يحتوي علي ثلاث ادوات
اداة خفق للبيض والكريمه
اداة عجن للمعجنات
اداة عجن للبسكوتات
حله بسعة ٦.٥ لتر مايعادل كيلو ونص من الدقيق
غطاء للحله مزود بفتحه لإضافة المكونات بسهوله حتي لا يتناثر الدقيق
مزود بزرار تحكم في السرعات
تجربتي بعد استخدامه لأكثر من ٦ شهور
مميزات وعيوب عجان هوم
اعتمدت عليه اعتماد كلي سواء ف الكيك او البسكويت او خفق الكريمه ممتاز وعمل البيتزا والمعجنات بصراحه كانت النتيجه مرضيه جدا
كنت بستخدمه بمعدل مرتين ف الاسبوع
عيوب عجان هوم
صوته عالي
واثناء الاستخدام كان بيتهز بس دي حاجه عاديه في معظم العجانات
ملخص التجربه
العجان مناسب جدا بالنسبه لسعره ويعتمد عليه ويفي بالغرض في الاستخدام المنزلي
تعليقات
إرسال تعليق